O galego é a lingua propia de Galiza onde é falada por uns 2,4 millóns de falantes. Á parte de en Galiza, a lingua fálase tamén en territorios limítrofes con esta comunidade, así como pola diáspora galega que emigrou a España, a América Latina, aos Estados Unidos, a Suíza e a outros países de Europa.
O castrapo é unha variedade de castelán falado en Galiza que se vale de xiros, trazos e expresións propias da lingua galega. Este fenómeno xurdiu pola castelanización de Galiza e a imposición da lingua castelá, proceso secular que decote se denomina Doma e Castración do Reino de Galiza. O galego perdeu oficialidade e durante o período que hoxe se coñece como os Séculos escuros non se aprendía nas escolas, nin se usaba nas igrexas, nin en ningún dos demais ámbitos públicos e administrativos, quedando reducido ao núcleo familiar, se ben en ningún momento perdeu a súa condición de lingua maioritaria de Galiza.
↓ Read more... ↓